ജൂണിലെ സമ്പൂർണ നക്ഷത്രഫലം; അശ്വതി, ഭരണി ,കാർത്തിക,രോഹിണി– കാണിപ്പയ്യൂർ

അശ്വതി: മക്കളുടെ വിദ്യാഭ്യാസ കാര്യങ്ങളിൽ ആകുലതകൾ വർധിക്കാം. പുതിയ കരാർ ജോലികളിൽ ഒപ്പു വയ്ക്കുവാനുള്ള അവസരം വന്നു ചേരും. ഗൃഹനിർമാണം പുനരാരംഭിക്കും. പഠിച്ച വിഷയത്തോടനുബന്ധമായ ഉദ്യോഗത്തിന് അവസരം വന്നു ചേരുവാനും അശ്വതി നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു. 

ഭരണി: വ്യാപാരവിപണന വിതരണ മേഖലകളിൽ പുതിയ അവസരങ്ങൾ വന്നു ചേരും. വിദേശവാസത്തിന് യോഗം കാണുന്നു. വിനോദയാത്രകൾ മാറ്റി വയ്ക്കേണ്ടി വന്നേക്കാം. ഭയഭക്തിബഹുമാനത്തോടെ ചെയ്യുന്ന കാര്യങ്ങളിലെല്ലാം അനുകൂലമായ വിജയം കൈവരിക്കുവാനും ഭരണി നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു. 

കാർത്തിക: ഔദ്യോഗിക മേഖലയിൽ വിവിധവും വ്യത്യസ്തങ്ങളുമായിട്ടുള്ള അവസരങ്ങൾ വന്നു ചേരും. വാഹനോപയോഗത്തിൽ വളരെയധികം ശ്രദ്ധ വേണം. വിദേശത്തുള്ളവർക്ക്  സ്ഥിരതാമസത്തിനുള്ള അനുമതി ലഭിക്കുവാനും കാർത്തിക നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.  

രോഹിണി: ഉദ്ദേശിച്ച വിഷയത്തില്‍ ഉപരിപഠനത്തിന് പ്രവേശനം ലഭിക്കും. വാക്കും പ്രവൃത്തിയും ഫലപ്രദമായിത്തീരും. പദ്ധതി സമർപണത്തിൽ ലക്ഷ്യപ്രാപ്തി നേടും. നടപടിക്രമങ്ങളിൽ കൃത്യത പാലിക്കുന്നതു വഴി സൽകീർത്തിയും സജ്ജനപ്രീതിയും വന്നു ചേരുവാനും രോഹിണി നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.