ജൂണിലെ സമ്പൂർണ നക്ഷത്രഫലം; അത്തം, ചിത്തിര, ചോതി, വിശാഖം- കാണിപ്പയ്യൂർ
Mail This Article
അത്തം
പഠിച്ച വിദ്യയോടനുബന്ധമായ ഉദ്യോഗം ലഭിക്കും. ദമ്പതികൾക്ക് ഒരുമിച്ചു താമസിക്കാൻ തക്കവണ്ണം തൊഴിൽ ക്രമീകരിക്കും. വിദ്യാർഥികൾക്കും ഗവേഷകർക്കും ശാസ്ത്രജ്ഞർക്കും സമയം അനുകൂലം. പുതിയ കരാർ ജോലികൾ ഒപ്പു വയ്ക്കുവാനും അത്തം നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.
ചിത്തിര
പലവിധത്തിലുള്ള സാഹചര്യങ്ങളാൽ ഏറ്റെടുക്കേണ്ട പ്രവൃത്തികളില്‍ നിന്നു പിന്മാറാനുള്ള സാഹചര്യം വന്നു ചേരും. വാഹനോപയോഗത്തിൽ വളരെയധികം ശ്രദ്ധിക്കുക. വഞ്ചനയിൽ അകപ്പെടാതെ സൂക്ഷിക്കുക. മാർഗതടസ്സങ്ങൾ അതിജീവിച്ച് തൊഴിൽ മേഖലകളിൽ പുരോഗതി കൈവരിക്കുവാനും ചിത്തിര നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.
ചോതി
എല്ലാ മേഖലകളിലും വളരെ സൂക്ഷ്മതയോടു കൂടി പ്രവർത്തിക്കേണ്ടതാണ്. ഗൃഹനിർമാണ പ്രവർത്തനങ്ങൾ നിർത്തി വയ്ക്കേണ്ടി വരാം. വാഹനോപയോഗത്തിൽ ശ്രദ്ധിക്കുക. മംഗള കർമങ്ങളിലും സമ്മാന പദ്ധതികളിലും അനുകൂലമായ വിജയം കൈവരിക്കുവാനും ചോതി നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.
വിശാഖം
ഔദ്യോഗിക മേഖലയിൽ കൂടുതല്‍ ഉത്തരവാദിത്വമുള്ള വിഭാഗത്തിലേക്ക് ഉദ്യോഗമാറ്റത്തിന് സാധ്യത കാണുന്നു. കുടുംബത്തിൽ സമാധാന അന്തരീക്ഷം സംജാതമാകും. വ്യാപാരവിപണന വിതരണ മേഖലകളിൽ നിയന്ത്രണം ഏർപെടുത്തും. തൊഴിൽ മേഖലകളിൽ അഭൂതപൂർവമായ വളർച്ച കൈവരിക്കുവാനും വിശാഖം നക്ഷത്രക്കാർക്ക് ഈ ജൂൺ മാസത്തിൽ യോഗം കാണുന്നു.
