മകയിരം, തിരുവാതിര, പുണർതം, പൂയം; സമ്പൂർണ മാസഫലം–കാണിപ്പയ്യൂർ
![Monthly Star Prediction Image Credit: Original Mostert/ Shutterstock](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
മകയിരം: ഔദ്യോഗികമേഖലകളിൽ അധികാരപരിധി വർധിക്കും. മക്കളുടെ സംരക്ഷണം മനഃസമാധാനത്തിന് വഴിയൊരുക്കും. പരിശ്രമങ്ങൾക്കും പ്രയത്നങ്ങൾക്കും അനുകൂലമായ വിജയങ്ങൾ വന്നു ചേരുവാനും മകയിരം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
തിരുവാതിര: ശുഭാപ്തിവിശ്വാസത്തോടു കൂടി ചെയ്യുന്ന കാര്യങ്ങളിലെല്ലാം അനുകൂലമായ വിജയം കൈവരിക്കും. പരീക്ഷ, ഇന്റർവ്യൂ, സന്ധി സംഭാഷണം, ചർച്ച എന്നിവയിൽ വിജയിക്കും. അഭയം പ്രാപിച്ചു വരുന്നവർക്ക് ആശ്രയം നൽകും. പകർച്ചവ്യാധി പിടിപെടാനും തിരുവാതിര നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
പുണർതം:ഔദ്യോഗിക മേഖലയുമായി ബന്ധപ്പെട്ട് ദൂരദേശവാസത്തിന് യോഗം കാണുന്നു. സാമ്പത്തിക കാര്യങ്ങളിൽ നിയന്ത്രണം ഏർപ്പെടുത്തിയാൽ നന്നായിരിക്കും. മത്സരരംഗങ്ങളിൽ അർഹമായ വിജയം കൈവരിക്കുവാനും പുണർതം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
പൂയം: ഔദ്യോഗികമേഖലയിൽ ക്രമാനുഗതമായ പുരോഗതി വന്നു ചേരും. മാതൃകാപരമായ പ്രവർത്തനം കാഴ്ചവയ്ക്കുന്നതു വഴി സൽകീർത്തി, സജ്ജനപ്രീതി എന്നിവ ലഭിക്കും. പരീക്ഷയിൽ വിജയശതമാനം വർധിക്കുവാനും പൂയം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.