ആയില്യം, മകം, പൂരം, ഉത്രം; സമ്പൂർണ മാസഫലം–കാണിപ്പയ്യൂർ
![monthly-prediction-by-kanippayyur-july-2024-ayilyam-makam-pooram-uthram Image Credit : Lushchikov Valeriy / Shutterstock](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
ആയില്യം: വിദ്യാർഥികൾ, ശാസ്ത്രജ്ഞർ, ഗവേഷകർ എന്നിവർക്ക് സമയം അനുകൂലം. ഉപരിപഠനത്തിന് അവസരം വന്നു ചേരും. കാര്ഷിക മേഖലകളില് ആദായം വർധിക്കും. കുടുംബത്തിൽ സമാധാന അന്തരീക്ഷം സംജാതമാകുവാനും ആയില്യം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
മകം: ലക്ഷ്യപ്രാപ്തി കൈവരിക്കുവാനായി അഹോരാത്രം പ്രയത്നിക്കേണ്ടി വരാം. സാമ്പത്തിക കാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കണം. പഠിച്ച വിഷയത്തോടനുബന്ധമായ ഉദ്യോഗത്തിന് അവസരം വന്നു ചേരുവാനും മകം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
പൂരം : വ്യത്യസ്തവും വിവിധങ്ങളുമായ കർമപഥങ്ങളിൽ ഏർപ്പെടാനുള്ള അവസരം വന്നു േചരും. തൊഴിലധിഷ്ഠിതമായ പാഠ്യപദ്ധതിക്ക് ചേരുവാനുള്ള യോഗം കാണുന്നു. കാർഷിക മേഖലകളിൽ ആദായം വർധിക്കുവാനും പൂരം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.
ഉത്രം: പലവിധ ആവശ്യങ്ങൾക്കായി ഉദ്യോഗത്തിൽ നിന്നും അവധി എടുക്കേണ്ട സാഹചര്യം വന്നു ചേരാം. ഗൃഹനിര്മാണപ്രവർത്തനങ്ങൾ പൂർത്തീകരിക്കും. പുതിയ കരാർ ജോലികളിൽ ഒപ്പു വയ്ക്കുവാനും ഉത്രം നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.