പൂരുരുട്ടാതി, ഉത്തൃട്ടാതി, രേവതി; സമ്പൂർണ മാസഫലം–കാണിപ്പയ്യൂർ

പൂരുരുട്ടാതി: നിലവിലുള്ള ജോലി ഉപേക്ഷിക്കുന്നതിനുള്ള തീരുമാനത്തിൽ നിന്ന് പിന്മാറുന്നത് നന്നായിരിക്കും. ആശയവിനിമയങ്ങളിൽ അപാകതകൾ ഉണ്ടാകാതെ നോക്കണം. ഔദ്യോഗിക മേഖലകളിൽ കൂടുതൽ അധ്വാനം വേണ്ടി വരാനും പൂരുരുട്ടാതി നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു. 

ഉത്തൃട്ടാതി: തൊഴിൽ മേഖലയില്‍ ആശങ്ക വർധിക്കും. നിശ്ചയിച്ചുറപ്പിച്ച കാര്യങ്ങളിൽ കാലതാമസം അനുഭവപ്പെടാം. മേലധികാരിയുടെ ആജ്ഞകൾ അർധ മനസ്സോടു കൂടി ചെയ്തു തീര്‍ക്കേണ്ട സാഹചര്യം വന്നു ചേരാം. ആത്മവിശ്വാസത്തോടെ ചെയ്യന്ന കാര്യങ്ങളിലെല്ലാം വിജയം കൈവരിക്കുവാനും ഉത്തൃട്ടാതി നക്ഷത്രക്കാർക്ക് ഈ ജൂലൈ മാസത്തില്‍ യോഗം കാണുന്നു. 

രേവതി: കൃത്യമായ ആലോചനയില്ലാതെ ചെയ്യുന്ന പ്രവൃത്തികൾ അബദ്ധമായിത്തീർന്നേക്കാം. രേഖാപരമല്ലാത്ത പണമിടപാടുകളിൽ നിന്ന് പിന്മാറുന്നത് നന്നായിരിക്കും. മക്കളുടെ സംരക്ഷണം മനഃസമാധാനത്തിന് വഴിയൊരുക്കുവാനും രേവതി നക്ഷത്രക്കാർക്ക് ഈ ജൂലൈ മാസത്തിൽ യോഗം കാണുന്നു.