ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: വരവും ചെലവും തുല്യമായതിനാൽ നീക്കിയിരിപ്പ് കുറയും. ഭക്ഷ്യവിഷബാധയേൽക്കാതെ സൂക്ഷിക്കണം. 

ഭരണി: സാംക്രമിക രോഗങ്ങൾ പിടിപെടും. പുത്രന്റെ വിദ്യാഭ്യാസ ആവശ്യങ്ങൾക്കായി ദൂരയാത്രകൾ വേണ്ടിവരും. പുനഃപരീക്ഷയിൽ വിജയം കൈവരിക്കും. 

കാർത്തിക: അപര്യാപ്തതകൾ മറന്ന് ആശയം സഫലമാക്കുക എന്ന ലക്ഷ്യത്തോടു കൂടി പ്രവർത്തിക്കുവാൻ നിർബന്ധിതനാകും.  ദാമ്പത്യസൗഖ്യം കുടുംബത്തിൽ സമാധാനവും ഉണ്ടാകും.

രോഹിണി: കുടുംബത്തിൽ സ്വസ്ഥതയും സമാധാനവും ദാമ്പത്യസൗഖ്യവും ബന്ധുസഹായവും ഉണ്ടാകും. വിദ്യാർഥികൾക്കും ഗവേഷകർക്കും അനുകൂല സാഹചര്യങ്ങൾ വന്നുചേരും.

മകയിരം: മാതാപിതാക്കളുടെ കാര്യങ്ങൾ നിറവേറ്റാൻ സാധിച്ചതിൽ കൃതാർഥനാകും.  വികസന പ്രവർത്തനങ്ങൾക്ക് നേതൃത്വം നൽകാനിടവരും.

തിരുവാതിര: അന്തിമമായി പുത്രിക്ക് ഉദ്ദേശിച്ച വിഷയത്തിൽ പ്രവേശനം ലഭിക്കും.  വിവര സാങ്കേതിക വിദ്യയിൽ പുതിയ കണ്ടെത്തലുകൾക്കു സാക്ഷിയാകും. 

പുണർതം: കുടുംബത്തിൽ സ്വസ്ഥതയും സമാധാനവും ഉണ്ടാകും. പുത്രിയോടൊപ്പം മാസങ്ങളോളം താമസിക്കുവാൻ വിദേശയാത്ര പുറപ്പെടും. 

പൂയം:  പ്രയത്നഫലാനുഭവങ്ങൾക്കായി അത്യധ്വാനം വേണ്ടിവരും. സാമ്പത്തിക ക്രയവിക്രയങ്ങളിൽ വളരെ സൂക്ഷിക്കണം. 

ആയില്യം: കരാറടിസ്ഥാനത്തിലുള്ള പ്രവൃത്തികളിൽ നിന്നും സാമ്പത്തികലാഭം വർധിക്കും.  സന്താനങ്ങളുടെ വിദ്യാഭ്യാസ കാര്യങ്ങൾക്കായി ദൂരയാത്രകൾ വേണ്ടിവരും.

മകം: പുത്രന് ഉപരിപഠനത്തിന് ഉദ്ദേശിച്ച വിഷയത്തിൽ പ്രവേശനം ലഭിക്കും. മാതാപിതാക്കളുടെ ആഗ്രഹങ്ങൾക്കനുസരിച്ചു പ്രവർത്തിക്കും.

പൂരം: പല പ്രകാരത്തിലുള്ള രോഗപീഡകളാൽ അവധിയെടുക്കാനിടവരും.  അനുചിത പ്രവൃത്തികളിലേർപ്പെടുന്ന പുത്രന് നിർദേശവും ഉപദേശവും നൽകുവാൻ സുഹൃത്‌സഹായം തേടും. 

ഉത്രം: അനുഭവജ്ഞാനമുള്ളവരുടെ നിർദേശത്താൽ സ്വന്തമായ പ്രവർത്തനങ്ങൾക്ക് തുടക്കം കുറിക്കും.  വാഹന ഉപയോഗത്തിൽ വളരെ സൂക്ഷിക്കണം.

അത്തം: പുതിയ വ്യവസായ സ്ഥാപനം ഏറ്റെടുത്ത് നടത്തുവാൻ തയാറാകും.  ഭൂമി ക്രയവിക്രയങ്ങളിൽ സാമ്പത്തിക ലാഭം വർധിക്കും. 

ചിത്തിര: വിദഗ്ധോപദേശം തേടാതെ ഒരു പ്രവൃത്തിയിലും പണം മുടക്കരുത്. ഔദ്യോഗികമായി വിദേശയാത്രയ്ക്ക് അനുമതി ലഭിക്കും.

ചോതി: അപരിചിതരുമായുള്ള ആത്മബന്ധത്തിൽ നിന്നും അബദ്ധങ്ങൾ ഉണ്ടാകും.  മാതാപിതാക്കളോടൊപ്പം താമസിക്കുവാൻ അന്യദേശയാത്ര പുറപ്പെടും.

വിശാഖം: സാഹചര്യങ്ങൾ കണക്കിലെടുത്ത് ഉദ്യോഗത്തോടനുബന്ധമായി ലാഭവിഹിത വ്യവസ്ഥയിലുള്ള പ്രവൃത്തികളിൽ ഏർപ്പെടും. പൊതുജനാവശ്യത്തിനായി ഭരണകർത്താക്കളെ കാണാനിടവരും.

അനിഴം: മേലുദ്യോഗസ്ഥന്റെ സ്വകാര്യ ആവശ്യങ്ങൾക്കായി ദൂരയാത്രകൾ വേണ്ടിവരും.  നിയന്ത്രണങ്ങൾക്കു വിധേയമായി പുതിയ കരാർ ജോലികളിൽ ഏർപ്പെടും, കാർഷിക മേഖലയിൽ പുതിയ കൂട്ടായ്മയിൽ പങ്കുചേരും.

തൃക്കേട്ട: കുടുംബസമേതം വിദേശത്തു താമസിക്കുവാൻ അപേക്ഷ നൽകും. കാര്യകാരണ സഹിതം സമർപ്പിക്കുന്ന അപേക്ഷകൾക്ക് അനുമതി ലഭിക്കും.

മൂലം: സാങ്കേതിക കാരണങ്ങളാൽ വിദേശയാത്ര മാറ്റിവയ്ക്കാനിടവരും. ഗൃഹോപകരണങ്ങൾ മാറ്റി വാങ്ങും. വിമർശനങ്ങളെ അതിജീവിക്കുവാനിടവരും.

പൂരാടം: അപ്രിയ സത്യം തുറന്നു പറയുന്നതിനാൽ മേലധികാരികളിൽ നിന്നും ശകാരം കേൾക്കാൻ ഇടവരും. പാരമ്പര്യപ്രവൃത്തികളുടെ പ്രാധാന്യം മനസ്സിലാക്കി പ്രവർത്തിക്കും.

ഉത്രാടം: അതിർത്തി തർക്കം രമ്യമായി പരിഹരിക്കുവാൻ സാധിക്കും. ഔദ്യോഗികമായി സ്ഥാനക്കയറ്റമുണ്ടാകുമെങ്കിലും ദൂരദേശവാസം വേണ്ടിവരും. 

തിരുവോണം: ഭൂമി വാങ്ങുന്നതിനുള്ള ആശയക്കുഴപ്പങ്ങൾക്ക് പരിഹാരമാകുന്നതിനാൽ ആശ്വാസമാകും. കലാകായിക മത്സരങ്ങളിൽ വിജയവും പ്രോത്സാഹന സമ്മാനവും ലഭിക്കും. 

അവിട്ടം: സമൂഹത്തിൽ ഉന്നതരുമായി സൗഹൃദ ബന്ധത്തിലേർപ്പെടുവാനുള്ള അവസരമുണ്ടാകും. നഷ്ടപ്പെട്ടു എന്നു കരുതുന്ന രേഖകൾ തിരിച്ചു ലഭിക്കും. 

ചതയം: വിദഗ്ധ പരിശോധനയിൽ മാരകമായ അസുഖങ്ങൾ ഒന്നുമില്ലെങ്കിലും ആരോഗ്യ കാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കുവാൻ നിർബന്ധിതനാകും. ആനുകൂല്യങ്ങളും സ്ഥാനമാനങ്ങളും വർധിക്കുന്ന ഉദ്യോഗത്തിന് നിയമനാനുമതി ലഭിക്കും. 

പൂരുരുട്ടാതി: പുതിയ വ്യാപാരത്തിനുള്ള ആശയമുദിക്കുമെങ്കിലും അപരിചിതരുമായുള്ള കൂട്ടുകച്ചവടത്തിൽ നിന്നും പിന്മാറുകയാണ് നല്ലത്.  സന്താന സാമീപ്യം ആശ്വാസത്തിനു വഴിയൊരുക്കും.

ഉത്തൃട്ടാതി: അധ്വാനഭാരവും സാമ്പത്തിക ചുമതലകളും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും.  ഉദ്യോഗത്തോടനുബന്ധമായി ഉപരിപഠനത്തിനു ചേരും.

രേവതി: ആധ്യാത്മികാത്മീയ പ്രവൃത്തികളാൽ മനസ്സമാധാനമുണ്ടാകും. ഭൂമി ക്രയവിക്രയങ്ങളിൽ നിന്നും സാമ്പത്തികലാഭം വർധിക്കും.