‘ദൈവത്തിന്റെ സമ്മാനം’; പൊന്നോമനയുടെ പേര് വെളിപ്പെടുത്തി ടോഷ് ക്രിസ്റ്റിയും ചന്ദ്ര ലക്ഷ്‍മണും

സീരിയൽ താരങ്ങളായ ചന്ദ്ര ലക്ഷ്മൺ- ടോഷ് ക്രിസ്റ്റി ദമ്പതികൾക്ക് ആൺകുഞ്ഞ് പിറന്നത് അടുത്തിടെയായിരുന്നു. ഇപ്പോഴിതാ തങ്ങളുടെ ആദ്യത്തെ കൺമണിയുടെ പേര് ആരാധകർക്കായി പങ്കുവച്ചിരിക്കുകയാണ് ഇവർ. ‘അയാന്‍’ എന്നാണ് മോന്റെ പേര്.‘അയാന്‍’ എന്നാല്‍ ദൈവത്തിന്റെ സമ്മാനം എന്നാണ് അര്‍ത്ഥം. കുഞ്ഞാവയ്ക്ക് ഇഷ്ടമറിയിച്ച് സഹപ്രവർത്തകരുടെയും ആരാധകരുടെയും കമന്റുകളുണ്ട്.

കുഞ്ഞിന്റെ കൈകളുടെ ചിത്രം സമൂഹമാധ്യമത്തിൽ പങ്കുവച്ചാണ് ചന്ദ്ര ലക്ഷ്മൺ കുഞ്ഞ് ജനിച്ച സന്തോഷവാർത്ത ആരാധകരെ അറിയിച്ചത്. ''ആൺകുട്ടിയാണ്. ഞങ്ങൾക്കും ഞങ്ങളുടെ കുഞ്ഞിനും സ്നേഹവും അനുഗ്രഹവും പ്രാർഥനയുമേകിയ ദൈവത്തിനും മാതാപിതാക്കൾക്കും അഭ്യൂദയകാംക്ഷികൾക്കും നന്ദി''- എന്നായിരുന്നു ചിത്രത്തോടൊപ്പം ചന്ദ്ര കുറിച്ചത്.

Content Summary : Chandra Lakshman and Tosh Christy share photo with son Ayaan