നെൽകൃഷിക്കു ശല്യമായി താമരക്കോഴികൾ

മാന്നാർ ∙ അപ്പർകുട്ടനാട്ടൻ പാടശേഖരങ്ങളിൽ നെൽകൃഷിക്കു താമരക്കോഴികൾ ശല്യമാകുന്നതായി പരാതി. ചെന്നിത്തല, മാന്നാർ അതിർത്തി പങ്കിടുന്ന നാലുതോടു പാടശേഖരം, ചെന്നിത്തല പഞ്ചായത്തിലെ 5, 6,7 ബ്ലോക്ക് പാടശേഖരങ്ങൾ എന്നിവിടെയാണ് ഇവയുടെ ശല്യം വ്യാപകമായത്.പകൽ ഇവ തോട്ടിലെ വെള്ളത്തിലുള്ള പോള, കടകൽ, തുടങ്ങിയവയ്ക്കിടയിൽ ഒളിച്ചിരിക്കും. വെയിൽ താഴ്ന്നു പാടത്തു നിന്നു കർഷകർ ഒഴിയുന്ന തക്കം നോക്കി ഇവ കൂട്ടത്തോടെയെത്തി നെൽച്ചെടി നശിപ്പിക്കും.  കത്തി കൊണ്ടു മുറിക്കുന്നതു പോലെയാണ് പാടത്തു നെല്ലുകൾ മുറിച്ചിട്ടിരിക്കുന്നത്.