ഹരിപ്പാട്ട് വോട്ട് കുറഞ്ഞെങ്കിൽ പരിശോധിക്കും: സിപിഎം

ആലപ്പുഴ ∙ ഹരിപ്പാട് മണ്ഡലത്തിൽ എൽഡിഎഫിനു വോട്ട് കുറഞ്ഞിട്ടുണ്ടെങ്കിൽ അതു പരിശോധിക്കുമെന്നു സിപിഎം ജില്ലാ സെക്രട്ടറി ആർ.നാസർ.  അവിടെ ബിജെപിക്കാണ് വോട്ട് കുറഞ്ഞത്. ആ വോട്ടുകൾ കൂടി നേടിയാണ് യുഡിഎഫ് ജയിച്ചത്. പിണറായി വിജയനും എൽഡിഎഫ് സർക്കാരിനും ജനം ആവർത്തിച്ചു നൽകിയ വിശ്വാസമാണ് ജില്ലയിലെ തകർപ്പൻ ജയം. അരൂർ ഉപതിരഞ്ഞെടുപ്പിൽ കുറച്ച് അശ്രദ്ധയുണ്ടായിരുന്നു. ആ പാഠം ഉൾക്കൊണ്ടാണ് ഇക്കുറി തദ്ദേശ ഭരണ തിരഞ്ഞെടുപ്പിനെ നേരിട്ടതെന്നും അദ്ദേഹം പറഞ്ഞു.