കാപികോ റിസോർട്ടിലെ 54 വില്ലകളും പൊളിച്ചു; കെട്ടിടാവശിഷ്ടങ്ങൾ ഉടമകളുടെ സ്ഥലത്തേക്ക് മാറ്റുന്നു

പൂച്ചാക്കൽ ∙ പാണാവള്ളി കാപികോ റിസോർട്ടിലെ 54 വില്ലകളുടെയും പൊളിക്കൽ പൂർത്തിയായി. ഓഫിസ് പ്രവർത്തിച്ചിരുന്ന പ്രധാന കെട്ടിടം, അനുബന്ധ ചെറിയ കെട്ടിടങ്ങൾ എന്നിവയാണ് ഇനി പൊളിക്കാനുള്ളത്. 25ന് മുൻപായി പൊളിക്കൽ പൂർത്തിയാക്കുമെന്നാണ് അധികൃതർ പറയുന്നത്. 28ന് മുൻപ് പൊളിച്ചു തീർത്തില്ലെങ്കിൽ ചീഫ് സെക്രട്ടറിക്കെതിരെ നടപടിയുണ്ടാകുമെന്നു സുപ്രീംകോടതി അന്ത്യശാസനം നൽകിയിരുന്നു. തിരുവനന്തപുരത്തെ സ്വകാര്യ ഏജൻസിയുടെ നേതൃത്വത്തിലാണ് കെട്ടിടം പൊളിക്കുന്നത്. കെട്ടിടാവശിഷ്ടങ്ങൾ റിസോർട്ട് ഉടമകളുടെ വടുതലയിലെ സ്ഥലത്തേക്കു നീക്കിത്തുടങ്ങിയിട്ടുണ്ട്.