വീട് ഏതു നിമിഷവും കടൽ കവരുമെന്ന ഭീതിയോടെ രത്നമണി

മുതുകുളം∙കടലാക്രമണം ശക്തമായതോടെ ഏതു നിമിഷവും സ്വന്തം വീട് കടൽ കവരുമെന്ന ഭീതിയോടെ ആറാട്ടുപുഴ പെരുമ്പള്ളി കൊച്ചുവീട്ടിൽ രത്നമണി. രത്നമണി തനിച്ചാണ് താമസം. ഭീതിയോടെ കഴിയുന്ന സാഹചര്യത്തിൽ സമീപത്തുള്ള സഹോദരി തങ്കമണി കൂട്ടിന് വീട്ടിലുണ്ട്. കടലും തങ്കമണിയുടെ വീടും തമ്മിൽ ഏതാനും ചുവടുകളുടെ ദൂരമേ ഉള്ളൂ. കഴിഞ്ഞ ദിവസം ശുചിമുറിയുടെ ഭിത്തി വരെ തിര അടിച്ചു കയറി. ശുചിമുറി തകർന്നാൽ സമീപത്തെ വീടും തകരുന്ന സ്ഥിതിയാണ്.