വിഎസിന്റെ 101–ാം പിറന്നാൾ ആഘോഷിച്ച് ജന്മനാട്

അമ്പലപ്പുഴ ∙ വി.എസ്.അച്യുതാനന്ദന്റെ പുന്നപ്ര പറവൂരിലെ വേലിക്കകത്ത് വീട്ടിൽ അദ്ദേഹത്തിന്റെ 101–ാം പിറന്നാൾ ആഘോഷിച്ചു ജന്മനാട്. രാവിലെ സിപിഎം ഏരിയ അമ്പലപ്പുഴ കമ്മിറ്റിയുടെ നേതൃത്വത്തിൽ നടന്ന ആഘോഷ പരിപാടി സെക്രട്ടറി ആർ.നാസർ വിഎസിന്റെ ചിത്രം ആലേഖനം ചെയ്ത കേക്ക് മുറിച്ച് ഉദ്ഘാടനം ചെയ്തു. 

എച്ച്.സലാം എംഎൽഎ അധ്യക്ഷനായി. പി.പി.ചിത്തരഞ്ജൻ എംഎൽഎ, എ.ഓമനക്കു‌ട്ടൻ, ആർ.രാഹുൽ, കെ.മോഹൻകുമാർ, വി.കെ.ബൈജു, സി.ഷാംജി, എ.പി.ഗുരുലാൽ, പി.ജി.സൈറസ്, എൻ.പി.വിദ്യാനന്ദൻ, സജിത സതീശൻ, കെ.പി.സത്യ കീർത്തി എന്നിവർ പ്രസംഗിച്ചു. വൈകിട്ട് ‘ജനനായകൻ വിഎസ്’ നവമാധ്യമ കൂട്ടായ്മയുടെ നേതൃത്വത്തിൽ വേലിക്കകത്ത് വീടിനു സമീപം പഴയ നടക്കാവ് റോഡരികിൽ നടന്ന ആഘോഷം ജി.സുധാകരൻ ഉദ്ഘാടനം ചെയ്തു. 

പായസം, ചുവപ്പു ലഡു, 101 വയോധികർക്ക് പുതുവസ്ത്രം എന്നിവയും വിതരണം ചെയ്തു. വിഎസിന്റെ ചിത്രമുള്ള കേക്ക് സുധാകരൻ മുറിച്ചു.ബ്ലോക്ക് പഞ്ചായത്ത് പ്രസിഡന്റ് ഷീബാ രാകേഷ്, പഞ്ചായത്ത് പ്രസി‍ഡന്റ് സജിത സതീശൻ, കെ.പി.സത്യകീർത്തി, ഉമേഷ്കുമാർ, സുധീർബാബു, അജയൻ, ബൈജു, ശ്യാം, രാകേഷ്, സുബാഷ്, ശ്യാംലാൽ, പ്രജിത്ത് എന്നിവർ പ്രസംഗിച്ചു.