ADVERTISEMENT
Skip ads. Subscribe now.

ആലപ്പുഴ ∙ കുട്ടനാടൻ കുത്തരി ‘കായൽ രത്ന’ എന്ന പേരിൽ വിപണിയിലെത്തിക്കാനുള്ള ശ്രമം തുടങ്ങി.  ജില്ലാ ഭരണകൂടം ചങ്ങനാശേരി എസ്ബി കോളജിലെ കൺസൽറ്റൻസി സെല്ലിന്റെ സഹായത്തോടെ തയാറാക്കിയ പദ്ധതിരേഖ മന്ത്രി പി.പ്രസാദ്  പ്രകാശനം ചെയ്തു.ജില്ലയിലെ തിരഞ്ഞെടുത്ത പാടശേഖരങ്ങളിൽ നിന്നും സംഭരിക്കുന്ന നെല്ല് ‘കായൽ രത്‌ന’ എന്ന ബ്രാൻഡിൽ അരിയാക്കി വിപണിയിൽ എത്തിക്കുകയാണു ലക്ഷ്യം.

ജില്ലാ പഞ്ചായത്തിന്റെ ധനസഹായത്തോടെ കുടുംബശ്രീ മിഷൻ വഴിയാണു പദ്ധതി നടപ്പാക്കുക. ആദ്യഘട്ടത്തിൽ 135 ഹെക്ടറിൽ നിന്നുള്ള ജ്യോതി ഇനം നെല്ലാണ് സംഭരിക്കുക. സംഭരിക്കുമ്പോൾ തന്നെ കർഷകർക്ക് വില നൽകും. നിശ്ചിത അളവിൽ തവിട് നിലനിർത്തിയാണ് അരി വിപണിയിലിറക്കുക.പദ്ധതിരേഖയുടെ പ്രകാശനച്ചടങ്ങിൽ കലക്ടർ അലക്സ് വർഗീസ്, പി.പി.ചിത്തരഞ്ജൻ എംഎൽഎ, എസ്ബി കോളജ് ഡീൻ ഡോ. മാത്യു ജോസഫ്, എഡിഎം ആശ സി. ഏബ്രഹാം എന്നിവർ പ്രസംഗിച്ചു. 

English Summary:

The Kuttanadan Kuthari, a renowned variety of rice from Kerala's backwaters, is being rebranded as "Kayal Ratna." This project, spearheaded by the District Administration and SB College, Changanassery, focuses on providing farmers with fair prices and consumers with premium-quality rice.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com