വരുന്നു, 128 കോടിയുടെ ഓമ്രോൺ ഹെൽത്ത് കെയർ ഫാക്ടറി

ചെന്നൈ ∙ ജപ്പാനിലെ പ്രമുഖ കമ്പനിയായ ഓമ്രോൺ ഹെൽത്ത് കെയർ 128 കോടി രൂപ മുതൽമുടക്കിൽ സംസ്ഥാനത്ത് ഫാക്ടറി സ്ഥാപിക്കാൻ ധാരണാപത്രം ഒപ്പുവച്ചു.ഓട്ടമാറ്റിക് ബ്ലഡ് പ്രഷർ മോണിറ്ററുകൾ നിർമിക്കുന്നതിനുള്ള പ്ലാന്റ് ആണ് സ്ഥാപിക്കുന്നത്. ഇൻഡസ്ട്രിയൽ ഓട്ടമേഷൻ, ഹെൽത്ത് കെയർ, ഇലക്ട്രോണിക് ഘടകങ്ങൾ എന്നിവ നിർമിക്കുന്ന കമ്പനിയാണ് ഓമ്രോൺ. വിദേശ സന്ദർശനം പൂർത്തിയാക്കി മുഖ്യമന്ത്രി എം.കെ.സ്റ്റാലിൻ ഇന്നു തിരിച്ചെത്തും.