വിടപറയും കാലം; റ്റബീബിയ പൂക്കും കാലം

ആലുവ∙ എൽസാൽവദോറിന്റെ ദേശീയ വൃക്ഷമാണ് നിറയെ പിങ്ക് പൂക്കളുള്ള റ്റബീബിയ റോസിയ. ആലുവ യുസി കോളജിനു പക്ഷേ, ഇതു ‘ഫെയർവെൽ ട്രീ’ ആണ്. ക്യാംപസിൽ വിടപറയലിന്റെയും യാത്രയയപ്പിന്റെയും കാലമായ ഫെബ്രുവരി, മാർച്ച് മാസങ്ങളിൽ നിറയെ പൂക്കുകയും പെട്ടെന്നു കൊഴിഞ്ഞു തീരുകയും ചെയ്യുന്നതു കൊണ്ടാണ് ഈ പേരു വന്നത്.

വേനൽക്കാലത്തു ചെടിയുടെ ഇലകൾ മുഴുവൻ കൊഴിയും. പൂക്കൾ മാത്രമേ ഉണ്ടാകൂ. പതിറ്റാണ്ടുകൾക്കു മുൻപ് ഒരധ്യാപകൻ‍ വിദേശത്തു നിന്നു കൊണ്ടുവന്നു നട്ടതാണ്. മഹാഗണി മരങ്ങളുടെ തണലാണ് യുസിയുടെ മുഖമുദ്ര. അതിനു പകരം മോഹിപ്പിക്കുന്ന സൗന്ദര്യമുള്ള ഫെയർവെൽ ട്രീകൾ കൂടുതൽ നടാനുള്ള ഒരുക്കത്തിലാണ് അധികൃതർ.