ബ്രഹ്മപുരത്ത് ബിപിസിഎൽ മാലിന്യ സംസ്കരണ പ്ലാന്റ് മാർച്ചിൽ സ്ഥാപിക്കും

കളമശേരി ∙ 2024 മാർച്ചിൽ ബ്രഹ്മപുരത്ത് ബിപിസിഎല്ലിന്റെ മാലിന്യ സംസ്കരണ പ്ലാന്റ് പ്രവർത്തനം ആരംഭിക്കുമെന്നു മന്ത്രി എംബി.രാജേഷ് അറിയിച്ചു. ഒക്ടോബർ ഒന്നിന് ഡിപിആർ സമർപ്പിക്കും. 180 ടൺ മാലിന്യം സംസ്കരിച്ച് പ്രകൃതി വാതകം ഉണ്ടാക്കാൻ ശേഷിയുള്ള പ്ലാന്റാണു നിർമിക്കുന്നത്. കേരളത്തിലെ 10 ജില്ലകളിലും വൻകിട മാലിന്യങ്ങൾ സംസ്കരിക്കുന്ന പ്ലാന്റുകൾ സ്ഥാപിക്കുമെന്നും കേരളത്തെ സമ്പൂർണ മാലിന്യ മുക്തമാക്കുകയാണു ലക്ഷ്യമെന്നും മന്ത്രി പറഞ്ഞു. ബിപിസിഎൽ കൂടാതെ ഗെയിലും പ്ലാന്റ് സ്ഥാപിക്കാൻ സന്നദ്ധത അറിയിച്ചിട്ടുണ്ടെന്നു മന്ത്രി  പറഞ്ഞു.