വാട്ടർ മെട്രോയുടെ മട്ടാഞ്ചേരി ടെർമിനൽ നിർമാണം ഡിസംബറിൽ തുടങ്ങും

മട്ടാഞ്ചേരി∙ വാട്ടർ മെട്രോയുടെ മട്ടാഞ്ചേരി ടെർമിനൽ നിർമാണം ഡിസംബറിൽ ആരംഭിക്കുമെന്ന് കെ.ജെ.മാക്സി എംഎൽഎ പറഞ്ഞു. മട്ടാഞ്ചേരി വാട്ടർ മെട്രോ ആക് ഷൻ കൗൺസിൽ നൽകിയ സ്വീകരണത്തിൽ പ്രസംഗിക്കുകയായിരുന്നു അദ്ദേഹം. തോപ്പുംപടി ഹാർബർ പാലം നവീകരണം ഉടൻ തുടങ്ങുമെന്നും മട്ടാഞ്ചേരി ഡബ്ല്യു ആൻഡ്  സി ആശുപത്രി വികസനത്തിന് നടപടികളായിട്ടുണ്ടെന്നും മട്ടാഞ്ചേരി ബസ് സ്റ്റാൻഡിലെ പാർക്കിങ് പ്രശ്നം പരിഹരിക്കാൻ ട്രാഫിക് പൊലീസ്  അധികൃതരുമായി ചർച്ച നടത്തുമെന്നും അദ്ദേഹം അറിയിച്ചു. ആക് ഷൻ കൗൺസിൽ പ്രസിഡന്റ് കിഷോർ ശ്യാംജി കുറുവ അധ്യക്ഷത വഹിച്ചു. ഡപ്യൂട്ടി മേയർ കെ.എ.അൻസിയ, ഭരത്  എൻ.ഖോന, അറാഫത്ത് നാസർ എന്നിവർ പ്രസംഗിച്ചു.