ലക്ഷ്മി ദേവാംഗനയ്ക്ക് മികച്ച ഡിബേറ്റർക്കുള്ള പുരസ്കാരം

കൊച്ചി ∙ സെന്റ് തെരേസസ് കോളജിലെ യൂണിവേഴ്സിറ്റി വിമൻസ് അസോസിയേഷൻ ഓഫ് കൊച്ചിൻ ഏർപ്പെടുത്തിയ മികച്ച ഡിബേറ്റർക്കുള്ള അവാർഡ് കോളജിലെ രണ്ടാം വർഷ ബിഎ വിദ്യാർഥിയായ ലക്ഷ്മി ദേവാംഗനയ്ക്ക്. കോളജ് ദിനാഘോഷത്തിന്റെ ഭാഗമായി നടന്ന ചടങ്ങിൽ കോളജ് മാനേജർ റവ. ഡോ. സിസ്റ്റർ വിനിത ലക്ഷ്മിക്ക് അവാർഡ് സമ്മാനിച്ചു. ദേശീയ, സംസ്ഥാന, ഇന്റർ കോളജ് തലങ്ങളിൽ നടന്ന ഡിബേറ്റ് മത്സരങ്ങളിൽ കോളജിനെ പ്രതിനിധീകരിച്ച് ലക്ഷ്മി നിരവധി സമ്മാനങ്ങൾ നേടിയിട്ടുണ്ട്.