എറണാകുളം ജില്ലയിൽ ഇന്ന് (02-04-2024); അറിയാൻ, ഓർക്കാൻ
![ernakulam-announcement ernakulam-announcement](https://img-mm.manoramaonline.com/content/dam/mm/mo/topics/common/ernakulam-announcement.jpg?w=1120&h=583)
Mail This Article
നീന്തൽ പരിശീലനം: പിറവം∙അക്വാറ്റിക് ക്ലബ്ബിന്റെ നേതൃത്വത്തിൽ നീന്തൽ പരിശീലനം 4നു കക്കാട് നീന്തൽ കുളത്തിൽ ആരംഭിക്കും.പെൺകുട്ടികൾക്കു വനിത പരിശീലകർ ഉണ്ടാകുമെന്നു പ്രസിഡന്റ് ജേക്കബ് തുമ്പയിൽ അറിയിച്ചു.9447116736.
ഒവിബിഎസ് ആരംഭിച്ചു
പിറവം∙മുളക്കുളം വലിയപള്ളിയിൽ ഒവിബിഎസ് ആരംഭിച്ചു. വികാരി ഫാ.ജോസ് തോമസ് പൂവത്തുങ്കൽ ഉദ്ഘാടനം ചെയ്തു.സണ്ണി ആനക്കോട്ടിൽ, സാജു പോൾ, ജിഷ മനോജ്, മിറാൻഡ വിബിൻ എന്നിവർ പ്രസംഗിച്ചു. 6നു സമാപിക്കും.
കായിക പരിശീലന ക്യാംപ്
പിറവം∙രാമമംഗലം ഹൈസ്കൂൾ 75ാം വാർഷികത്തിന്റെ ഭാഗമായി സ്പോർട്സ് ക്ലബ്ബിന്റെ നേതൃത്വത്തിൽ നാളെ മുതൽ 30 വരെ കായിക പരിശീലന ക്യാംപ് സംഘടിപ്പിക്കും. സ്കൂൾ മൈതാനത്തു രാവിലെ 7 മുതൽ 9 വരെ ഫുട്ബോൾ, അത്ലറ്റിക്സ്, ഖോഖൊ,ചെസ്സ് എന്നിവയിലാണു പരിശീലനം. 1 മുതൽ 9 വരെ ക്ലാസുകളിൽ ഉള്ളവർക്കു പങ്കെടുക്കാമെന്ന് അധ്യാപകൻ ഷൈജി കെ.ജേക്കബ് അറിയിച്ചു. 9447369590.
ഫുട്ബോൾ പരിശീലനം
കോതമംഗലം∙ കോട്ടപ്പടി മാർ ഏലിയാസ് സ്കൂൾ ഗ്രൗണ്ടിൽ 4 വയസ്സിനു മുകളിലുള്ള കുട്ടികൾക്കു സൗജന്യ ഫുട്ബോൾ പരിശീലന ക്യാംപ് 4നു തുടങ്ങും. 94962 45527.
അധ്യാപക ഒഴിവ്: എംഎ കോളജ്
കോതമംഗലം∙ മാർ അത്തനേഷ്യസ് കോളജിൽ ഇംഗ്ലിഷ്, ഹിന്ദി, കെമിസ്ട്രി, ഫിസിക്സ്, മാത്തമാറ്റിക്സ്, സ്റ്റാറ്റിസ്റ്റിക്സ്, പൊളിറ്റിക്കൽ സയൻസ്, ഇക്കണോമിക്സ്, സോഷ്യോളജി, ബോട്ടണി, സുവോളജി, കംപ്യൂട്ടർ സയൻസ്, കൊമേഴ്സ്, ഡേറ്റ അനലിറ്റിക്സ് അധ്യാപക ഒഴിവ്. 23നു മുൻപ് അപേക്ഷിക്കണം.
ആൽബർട്സ്
കൊച്ചി∙ എറണാകുളം സെന്റ് ആൽബർട്സ് കോളജിൽ മാത്തമാറ്റിക്സ്, ഫിസിക്സ്, കെമിസ്ട്രി, സുവോളജി, അക്വാ കൾച്ചർ, സ്റ്റാറ്റിസ്റ്റിക്സ്, ബോട്ടണി, ഹിന്ദി, ഫിസിക്കൽ എജ്യുക്കേഷൻ, ഹിസ്റ്ററി, ഇംഗ്ലിഷ്, കംപ്യൂട്ടർ സയൻസ് വിഭാഗങ്ങളിൽ അധ്യാപക ഒഴിവുണ്ട്. 10നകം അപേക്ഷിക്കണം. www.alberts.edu.in.
പരിശീലനം നൽകും
തിരുമാറാടി∙ കൃഷിഭവന്റെ നേതൃത്വത്തിൽ ഇന്ന് രാവിലെ 11ന് പഞ്ചായത്ത് ഹാളിൽ വേനൽക്കാല കീടരോഗബാധ നിയന്ത്രണം സംബന്ധിച്ച് പരിശീലനം നൽകും. 89217 54154.