ശുദ്ധജലം പാഴാകുന്നു; നടപടിയില്ലെന്നു പരാതി

കുറുപ്പംപടി ∙ അശമന്നൂർ ചാപ്പൽ–നെടുങ്ങപ്ര റോഡിൽ രണ്ടിടത്ത് വാട്ടർ അതോറിറ്റി ജലവിതരണ പൈപ്പ് പൊട്ടി ശുദ്ധജലം പാഴായിട്ടും നടപടിയില്ലെന്നു പരാതി. പഞ്ചായത്ത് മൂന്നാം വാർഡിൽ  അശമന്നൂർ സെന്റ്  തോമസ് യാക്കോബായ ചാപ്പലിനു സമീപമാണ് ഒന്ന്. കനാൽ റോഡിൽ നിന്ന് ചാപ്പൽ റോഡിലേക്ക് ഇറങ്ങുന്ന ഭാഗത്താണ് രണ്ടാമത്തെ ചോർച്ച. ഓരോ തുള്ളി ജലവും അമൂല്യമാണ് പാഴാക്കരുത് എന്ന് സർക്കാർ പറയുമ്പോഴും ശുദ്ധജലം സംരക്ഷിക്കാൻ നടപടിയില്ല.  വേനൽക്കാലത്ത് ഇതു പോലെ വെള്ളം പാഴായാൽ ഉയർന്ന പ്രദേശങ്ങളിൽ ജലക്ഷാമം രൂക്ഷമാകും.