കലക്ടറേറ്റ് ഫയൽ ഈറ്റില്ലമാക്കി പൂച്ച; ഫയലുകൾക്കിടയിൽ തള്ളപ്പൂച്ചയും 4 കുഞ്ഞുങ്ങളും !

കാക്കനാട്∙ ഫയലുകൾക്കിടയിൽ പൂച്ചക്കെന്തു കാര്യമെന്ന് ചോദിക്കാൻ വരട്ടെ. തിരഞ്ഞെടുപ്പ് ജോലിയും ഞായർ അവധിയും കഴിഞ്ഞ് ഇന്നലെ കലക്ടറേറ്റിലെത്തിയ ജീവനക്കാരെ സ്വീകരിച്ചത് ഫയലുകൾക്കിടയിൽ പ്രസവിച്ച തള്ളപ്പൂച്ചയും 4 കുഞ്ഞുങ്ങളുമാണ്. അഡ്മിനിസ്ട്രേഷൻ ഹാളിൽ സ്യൂട്ട് സെല്ലിലെ മേശക്കടിയിൽ ഫയൽ സൂക്ഷിച്ചിരുന്ന കാർഡ് ബോർഡ് പെട്ടിയാണ് പൂച്ച പ്രസവ മുറിയാക്കിയത്. വൈകിട്ട്  അവിടെ നിന്നു കുഞ്ഞുങ്ങളെ തള്ളപ്പൂച്ച മാറ്റുകയും ചെയ്തു.