ഇരുന്നൂറിലേറെ വർഷം പഴക്കമുള്ള പൈതൃക കെട്ടിടം നിലംപതിച്ചു

ഫോർട്ട്കൊച്ചി ∙ ഇരുന്നൂറിലേറെ വർഷം പഴക്കമുള്ള പൈതൃക കെട്ടിടം തകർന്നു വീണു. റോസ് സ്ട്രീറ്റിലെ ജീർണിച്ച നിലയിലായിരുന്ന കെട്ടിടമാണ് ഇന്നലെ രാവിലെ തകർന്നു വീണത്. കുറച്ചു നാളുകളായി ആരും താമസമില്ലാതെ കിടക്കുകയായിരുന്നു. ഇതിന്റെ ഗോവണിയിൽ നിന്ന് വിനോദ സ‍ഞ്ചാരികൾ ചിത്രമെടുക്കുന്നതു പതിവായിരുന്നു. കെട്ടിടം വീണ സമയത്ത് ആരും ഉണ്ടാകാതിരുന്നതിനാൽ അപകടം ഒഴിവായി.