സൂപ്പർ ലീഗ് കേരള: കൊച്ചി മെട്രോ ട്രെയിൻ സർവീസ് സമയം ദീർഘിപ്പിച്ചു

കൊച്ചി ∙ ജവഹർലാൽ നെഹ്റു സ്റ്റേഡിയത്തിൽ 20ന് നടക്കുന്ന സൂപ്പർ ലീഗ് കേരള മത്സരം പ്രമാണിച്ച് കൊച്ചി മെട്രോ ട്രെയിൻ സർവീസ് ദീർഘിപ്പിച്ചു. അന്ന് അവസാന ട്രെയിൻ സ്റ്റേഡിയത്തിൽ നിന്ന് ആലുവയിലേക്കും തൃപ്പൂണിത്തുറയിലേക്കും രാത്രി 11:00 മണിക്കായിരിക്കും പുറപ്പെടുന്നതെന്ന് അധികൃതർ അറിയിച്ചു.

കൊച്ചി വാട്ടർ മെട്രോ സർവ്വീസ് സമയം ദീർഘിപ്പിച്ചു
പശ്ചിമ കൊച്ചിയിലേക്കുള്ള യാത്രാ ക്ലേശം പരിഗണിച്ച് ഹൈക്കോർട്ട് ജംഗ്ഷൻ- ഫോർട്ട് കൊച്ചി സർവ്വീസ് സമയം ദീർഘിപ്പിച്ചു. ഫോർട്ട് കൊച്ചിയിൽ നിന്ന് ഹൈക്കോർട്ട് ജംഗ്ഷൻ ടെർമിനലിലേക്കുള്ള അവസാന സർവ്വീസ് രാത്രി 8:00 മണിക്കായിരിക്കും പുറപ്പെടുന്നത്.