ഐഎസ്എൽ മൽസരം: 25ന് സർവീസ് സമയം ദീർഘിപ്പിച്ച് കൊച്ചി മെട്രോ

കൊച്ചി ∙ ഇന്ത്യൻ സൂപ്പർ ലീഗിലെ മത്സരങ്ങൾ കണക്കിലെടുത്ത് ഫുട്ബോൾ ആരാധകർക്കായി കൊച്ചി മെട്രോ ട്രെയിൻ സർവീസ് സമയം ദീർഘിപ്പിച്ചു. 25ന് മത്സര ദിവസം ജെഎൽഎൻ സ്റ്റേഡിയത്തിൽ നിന്ന് ആലുവയിലേക്കും തൃപ്പൂണിത്തുറയിലേക്കും രാത്രി 11 മണിക്കായിരിക്കും മെട്രോ ട്രെയിനുകൾ പുറപ്പെടുന്നത്. ഐഎസ്എൽ മത്സരങ്ങൾ നടക്കുന്ന സമയത്ത് യാത്രക്കാർക്ക് വേണ്ടി അധിക യാത്രകളും മറ്റ് പ്രത്യേക ക്രമീകരണങ്ങളും ജെഎൽഎൻ സ്റ്റേഡിയം സ്റ്റേഷനിൽ ഏർപ്പെടുത്തിയിട്ടുണ്ട്.