വഴിവിളക്കില്ലാത്ത കുമ്പളം– അരൂർ പാലത്തിൽ ചതിക്കുഴികളും
Mail This Article
×
കുമ്പളം ∙ദേശീയ പാതയിൽ കുമ്പളം– അരൂർ പാലത്തിലൂടെ പോകുന്ന വാഹന യാത്രികർ ശ്രദ്ധിക്കണം. അരൂർ ഭാഗത്തേക്കുള്ള പാലത്തിൽ ചതിക്കുഴികൾ രൂപപ്പെട്ടിട്ടുണ്ട്. വഴിവിളക്കില്ലാത്തതിനാൽ രാത്രി യാത്രികർ കൂടുതൽ ശ്രദ്ധിക്കണം. എക്സ്പാൻഷൻ ജോയിന്റുകളിലെ ടാറിങ് തകർന്നാണ് കുഴികൾ രൂപപ്പെട്ടത്. ഇരുചക്ര വാഹനങ്ങൾ വീഴുന്ന തരത്തിൽ വലിയ കുഴികളാണിവിടെ. എല്ലാ ജോയിന്റുകളിലും വിള്ളൽ ഉണ്ടെങ്കിലും അഞ്ചിടങ്ങളിലാണ് ടാർ അടർന്നു മാറി ഭീകര കുഴികളായത്. മഴവെള്ളം കെട്ടിക്കിടക്കുന്നതിനാൽ കുഴികളുടെ ആഴം അറിയാനും യാത്രക്കാർക്കു കഴിയുന്നില്ല.പാലത്തിലെ വഴിവിളക്കുകൾ ഇല്ലാതായിട്ട് ഒരു വർഷത്തിലേറെയായി. കുമ്പളം, അരൂർ പഞ്ചായത്തുകളുടെ നേതൃത്വത്തിലായിരുന്നു വഴിവിളക്ക്.
English Summary:
Potholes on the Kumblam-Aroor bridge pose a serious safety risk to motorists. The damaged tarring at expansion joints, coupled with stagnant rainwater and lack of streetlights, makes driving conditions treacherous, particularly at night.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.