ആനവച്ചാൽ മുതൽ അമ്പാടി ജംക്‌ഷൻ വരെ മുളങ്കാടുകളുടെ ഭീഷണി

കുമളി∙ തേക്കടി ആനവച്ചാൽ മുതൽ അമ്പാടി ജംക്‌ഷൻ വരെ റോഡിന് ഇരുവശത്തായുള്ള മുളങ്കാടുകൾ അപകടഭീഷണി ഉയർത്തുന്നു. ശക്തമായ കാറ്റും മഴയും മൂലം, മുളകൾ ഒടിഞ്ഞ് റോഡിലേക്കു വീഴാറായി നിൽക്കുകയാണ്. സമീപത്തുള്ള കെട്ടിടങ്ങളുടെ മുകളിലേക്കും മുളകൾ വീണുകിടപ്പുണ്ട്. ഇതുവഴി എത്തുന്ന  വിനോദസഞ്ചാരികൾ ഉൾപ്പെടെയുള്ളവർ ഭയാശങ്കയോടെയാണ് കടന്നുപോകുന്നത്. അപകടകരമായി നിൽക്കുന്ന മുളകൾ മുറിച്ചുമാറ്റാൻ വനംവകുപ്പ് അടിയന്തര   നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.