വ്യാജവാറ്റ്: യുവാവ് പിടിയിൽ

നെടുങ്കണ്ടം∙ ഇടുക്കി എക്സൈസ് സ്പെഷൽ സ്‌ക്വാഡ് രാജാക്കാട്‌ കള്ളിമാലയിൽ നടത്തിയ പരിശോധനയിൽ യുവാവ് പിടിയിലായി. ഉടുമ്പൻചോല കാന്തിപ്പാറ സ്വദേശി തോണിപ്ലാക്കിൽ വീട്ടിൽ  ജിബിൻ ജോസഫ് (24) ആണ് പിടിയിലായത്. വ്യാജ വാറ്റിന് പാകപ്പെടുത്തിയ 300 ലീറ്റർ കോടയും 17 ലീറ്റർ വാറ്റുചാരായവും വാറ്റ് ഉപകരണങ്ങളും കണ്ടെടുത്തു. പ്രതിയെ അറസ്റ്റ് ചെയ്ത് ഉടുമ്പൻചോല എക്സൈസിന് കൈമാറി. എക്സൈസ് സ്പെഷൽ സ്‌ക്വാഡ് പ്രിവന്റീവ് ഓഫിസർ എ.സി.നെബുവിന്റെ നേതൃത്വത്തിൽ പ്രിവന്റീവ് ഗ്രേഡ് പി.സി.വിജയകുമാർ, സിവിൽ എക്സൈസ് ഓഫിസർ പി.കെ.ബെന്നി, കെ.എം.സുരഭി, ഡ്രൈവർ പി.കെ.ശശി എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.