ഇടുക്കി ഡാമിനു സമീപം പാറ അടർന്നുവീണു; അപകടം അണക്കെട്ടിന്റെ കവാടത്തിനു മുന്നിൽ

ചെറുതോണി ∙ ഇടുക്കി ആർച്ച് ഡാമിനു സമീപം കുറത്തി മലയിൽ നിന്നു കൂറ്റൻ പാറ അടർന്നുവീണു. ഡാം ടോപ്പ് റോഡിൽ അണക്കെട്ടിന്റെ കവാടത്തിനു മുന്നിലേക്കാണു വീണത്. ഡാമിന്റെ കിഴക്കു ഭാഗത്തെ ഗേറ്റിനു മുന്നിൽ വന്നു വീണ പാറ പൊട്ടിത്തെറിച്ച് ഒരു ഭാഗം ഗേറ്റിന്റെ ഭിത്തിയിൽ ഇടിച്ച് വീഴുകയായിരുന്നു. സംഭവം ഇന്നലെ പുലർച്ചെ ആയതിനാൽ വാഹനങ്ങളോ ആളുകളോ സ്ഥലത്തുണ്ടായിരുന്നില്ല. കുറത്തി മലയുടെ ഭാഗങ്ങളിൽ സുരക്ഷാ വിഭാഗം ഇന്നലെ പരിശോധന നടത്തി. അണക്കെട്ടിന്റെ സുരക്ഷയെ ബാധിക്കില്ലെന്നും ഭയപ്പെടേണ്ട കാര്യമില്ലെന്നും അറിയിച്ചു.