ജനവാസ മേഖലയിലേക്ക് ഉരുണ്ടിറങ്ങി ഭീമൻപാറ

മുട്ടം ∙ ഭീമൻ പാറ ജനവാസ മേഖലയുടെ സമീപത്തേക്ക് ഉരുണ്ടിറങ്ങി. മുട്ടം പഞ്ചായത്തിലെ 6-ാം വാർഡിലെ വടക്കുംമേട് ഭാഗത്തുനിന്നാണ് പാറ ഉരുണ്ടിറങ്ങിയത്. കുത്തിറക്കത്തിൽ കിലോമീറ്ററോളം ഉരുണ്ട പാറ ജനവാസ മേഖലയ്ക്കു തൊട്ട് അടുത്ത് വരെ എത്തി. അടക്കാപ്പാറ മൈക്കിളിന്റെ പുരയിടത്തിലാണ് പാറ വന്ന് പതിച്ചത്. ഭീമൻ പാറയുടെ ഏതാനും ഭാഗങ്ങൾ ചിന്നിച്ചിതറി താഴേക്ക് പതിച്ചത്. ഇനിയും ഇത്തരത്തിൽ ഒട്ടേറെ പാറകൾ പ്രദേശത്ത് അപകടാവസ്ഥയിൽ ഉള്ളതായി നാട്ടുകാർ പറയുന്നു. പാറമട ആരംഭിക്കാനായി ഏക്കർ കണക്കിന് പ്രദേശമാണ് ഈ ഭാഗത്ത് ഏറ്റെടുത്തിരിക്കുന്നത്.