പരുന്തുംപാറയിൽ കാറിനു മുന്നിൽ കടുവ; കുറച്ചു ദിവസമായി കടുവയുടെ സാന്നിധ്യം ഉണ്ടെന്ന് നാട്ടുകാർ

തൊടുപുഴ∙ വിനോദസഞ്ചാര മേഖലയായ പീരുമേട് പരുന്തുംപാറയിൽ കാറിനു മുന്നിൽ കടുവ. ഇന്നലെ പുലർച്ചെയാണ് വിനോദസഞ്ചാരികൾ സഞ്ചരിച്ച കാറിനു മുന്നിലൂടെ കടുവ റോഡ് കുറുകെ കടന്നത്. ഇവർ ഇത് ചിത്രീകരിച്ച് സമൂഹ മാധ്യമങ്ങളിൽ പോസ്റ്റ് ചെയ്തു. പുതുപ്പള്ളി സ്വദേശി അനന്തു ബാബുവാണ് ദൃശ്യങ്ങൾ പകർത്തിയത്. പ്രദേശത്ത് കുറച്ചു ദിവസമായി കടുവയുടെ സാന്നിധ്യം ഉണ്ടെന്ന് നാട്ടുകാർ പറയുന്നു.