മട്ടന്നൂരിൽ പോളിങ് സാമഗ്രികളുടെ വിതരണം വൈകി

മട്ടന്നൂർ∙ മട്ടന്നൂർ മണ്ഡലത്തിലെ പോളിങ് സാമഗ്രികളുടെ വിതരണം മണിക്കൂറുകളോളം വൈകിയതിനെ തുടർന്ന് ഹയർ സെക്കൻഡറി സ്കൂളിലെ വിതരണ കേന്ദ്രത്തിൽ ഉദ്യോഗസ്ഥരുടെ വൻ തിരക്കുണ്ടായി. ഇന്നലെ ഉച്ചയോടെ മാത്രമാണ് പോളിങ് സാമഗ്രികൾ വിതരണം ചെയ്തു തുടങ്ങിയത്. രാവിലെ 7 മുതൽ തന്നെ തിരഞ്ഞെടുപ്പ് ചുമതലയുള്ള ഉദ്യോഗസ്ഥർ എത്തിയിരുന്നു. ഉച്ചയ്ക്ക് 12 നാണ് വിതരണം തുടങ്ങാനായത്. മുഴുവൻ സാമഗ്രികളും എത്താത്തതാണ് വിതരണം വൈകാൻ കാരണമെന്ന് അധികൃതർ പറഞ്ഞു.