വളപട്ടണം പാലത്തിൽ ബസിന്റെ പിറകിൽ ലോറി ഇടിച്ചു; 12 പേർക്ക് പരുക്ക്

പാപ്പിനിശ്ശേരി ∙ വളപട്ടണം പാലത്തിൽവച്ച് ബസിന്റെ പിറകിൽ ലോറി ഇടിച്ചു. ബസ് ജീവനക്കാരടക്കം 12 യാത്രക്കാർക്ക് പരുക്കേറ്റു. ഇന്ന് രാവിലെ 11.20 നാണ് അപകടം. പാലത്തിനു നടുവിൽവച്ചാണ് അപകടം നടന്നത്. കണ്ണൂരിൽ നിന്നും പയ്യന്നൂരിലേക്ക് പോകുകയായിരുന്ന ലിമിറ്റഡ് സ്റ്റോപ്പ് ബസിനു പിറകിൽ നിയന്ത്രണം വിട്ട ദീർഘദൂര ചരക്കു ലോറി ഇടിക്കുകയായിരുന്നു. ദേശീയപാത വളപട്ടണം പാലത്തിൽ ഏറെ നേരം ഗതാഗതക്കുരുക്ക് അനുഭവപ്പെട്ടു.