മന്ത്രി കടന്നപ്പള്ളി സഞ്ചരിച്ച കാറിൽ ഓട്ടോറിക്ഷ ഇടിച്ചു

കണ്ണൂർ∙ മന്ത്രി രാമചന്ദ്രൻ കടന്നപ്പള്ളി സഞ്ചരിച്ച വാഹനത്തിൽ ഓട്ടോറിക്ഷയിടിച്ചു. ഇന്നലെ ഉച്ചയ്ക്ക് 2.30ഓടെ കൊശോർമൂല ദേശപോഷിണി വായനശാല കെട്ടിടം നിർമാണം ഉദ്ഘാടനം ചെയ്യാൻ പോകുമ്പോഴാണ് അപകടം. കാടാച്ചിറ സ്കൂൾ റോഡ് വഴി മാളികപ്പറമ്പ് ഭാഗത്തേക്കുള്ള വഴിയിലെ കയറ്റത്തിൽ മറികടന്നെത്തിയ ഓട്ടോറിക്ഷ മന്ത്രിയുടെ കാറിൽ ഇടിക്കുകയായിരുന്നു. ആർക്കും പരുക്കില്ല. മന്ത്രിയുടെ വാഹനത്തിന് കേടുപറ്റി. മന്ത്രിയും 3 സ്റ്റാഫുമാണ് വാഹനത്തിൽ ഉണ്ടായിരുന്നത്. മന്ത്രി പൈലറ്റ് വാഹനത്തിൽ യോഗ സ്ഥലത്തെത്തി. പിന്നീട് ഗെസ്റ്റ് ഹൗസിൽനിന്നു വേറെ വാഹനമെത്തിച്ചു.