പാലത്തായി കല്ലംകുന്ന് സങ്കേതത്തിലെ 16 കുടുംബങ്ങൾക്ക് ശുദ്ധജലമില്ല; ജല അതോറിറ്റിയുടെ ജലവിതരണം നിലച്ചു

കല്ലംകുന്ന് സങ്കേതത്തിൽ  എന്നും പറയാനുള്ള പരാതി ശുദ്ധജലം പ്രശ്നമാണ്.16കുടുംബവും ആവശ്യത്തിനു വെള്ളം ലഭിക്കാതെ വിഷമിക്കുന്നു.ശാശ്വത പരിഹാരം കാണാനുള്ള ശ്രമത്തിലാണ്.

ഒരാഴ്ചയായി ശുദ്ധജല വിതരണം നിലച്ചിരിക്കുകയാണ്. അധികൃതരെ വിവരം അറിയിച്ചു. വിതരണ പൈപ്പ് പൊട്ടിയതാണ് തടസ്സമെന്നാണു ലഭിച്ച മറുപടി. മഴവെള്ളം ബാരലിൽ സൂക്ഷിച്ചാണ് അത്യാവശ്യകാര്യങ്ങൾ നിർവഹിക്കുന്നത്.

ശുദ്ധജല വിതരണം കൃത്യമായി നടത്താനെങ്കിലും അധികൃതർ തയാറാകണം. വെള്ളമാണ് ഞങ്ങളുടെ പ്രധാന പ്രശ്നം. മറ്റു പ്രയാസങ്ങളുണ്ട്. സ്കൂളിലും  മദ്രസയിലും പോകുന്ന കുട്ടികളെ രാവിലെ വിടുന്നത് ഏറെ പ്രയാസപ്പെട്ടാണ്. സ്ത്രീകൾ ഉൾപ്പെടെ തൊഴിലാളികളാണ്. ജോലി കഴിഞ്ഞെത്തിയാൽ വെള്ളം കിണറ്റിൽ നിന്ന് കോരിയെടുത്ത് കൊണ്ടുപോകുക പ്രയാസമാണ്. 

പരാതി കേൾക്കുകയല്ലാതെ പരിഹരിക്കപ്പെടാറില്ല. 16 കുടുംബവും വെള്ളമില്ലാത്തിനാൽ ദുരിതത്തിലാണ്. വെള്ളം ലഭ്യമാക്കണം.