നാട്ടുകാരുടെ ഉറക്കം കെടുത്തി വീണ്ടും കതകിലിടിച്ച് അജ്ഞാതൻ

ചെറുപുഴ∙ നാട്ടുകാരുടെ ഉറക്കം കെടുത്തി വീണ്ടും അജ്ഞാതൻ. ചൊവ്വാഴ്ച രാത്രി 9ന് പ്രാപ്പൊയിൽ വെസ്റ്റിലെ എം.മുഹമ്മദ് സഫീറിന്റെ വീടിന്റെ കതകിൽ ശക്തിയായി ഇടിച്ച് അജ്ഞാതൻ ശബ്ദമുണ്ടാക്കി. ഈ സമയം അജ്ഞാതനെ കണ്ടെത്താൻ തിരച്ചിൽ നടത്തുന്ന ജാഗ്രതസമിതി അംഗങ്ങൾ സമീപ പ്രദേശത്തു തന്നെ ഉണ്ടായിരുന്നു. ഇവർ സ്ഥലത്തെത്തിയപ്പോഴേക്കും അജ്ഞാതൻ കടന്നുകളഞ്ഞു.അതേസമയം, ജാഗ്രതസമിതി പരിശോധന കർശനമാക്കിയതോടെ അജ്‌ഞാതന്റെ വിളയാട്ടത്തിനു കുറവ് വന്നിട്ടുണ്ട്. ജാഗ്രതസമിതി ചെറിയ സ്ക്വാഡുകളായി തിരിഞ്ഞാണു രാത്രി പരിശോധന നടത്തുന്നത്.