തൊട്രാ...പാക്കലാം..! വീട്ടിലെത്തിയ രാജവെമ്പാലയ്ക്ക് മുന്നിൽ ഇരിപ്പുറപ്പിച്ച് പൂച്ച; ഒടുവിൽ വന്നവഴിക്ക് മടങ്ങി പാമ്പ്

കാസർകോട്∙ മുളിയാർ കുണിയേരിയിലെ ഇ.അബ്ദുൽ റഹിമാന്റെ വീട്ടിൽ കഴിഞ്ഞദിവസം വൈകിട്ടോടെ എത്തിയതായിരുന്നു ഒന്നര മീറ്ററോളം നീളവും അതിനൊത്ത വണ്ണവുമുള്ള രാജവെമ്പാല. മുറ്റത്തേക്ക് കയറാൻ തുടങ്ങിയ പാമ്പിന് മുന്നിൽ പൂച്ച ഇരിപ്പുറപ്പിച്ചു. പല വഴികളും പയറ്റിയെങ്കിലും പൂച്ച പിന്തിരിയാതെ വന്നതോടെ വീട്ടുമുറ്റത്ത് കയറാനുള്ള പദ്ധതി ഉപേക്ഷിച്ച് വന്നവഴിക്ക് തന്നെ പാമ്പ് തടിതപ്പുകയായിരുന്നു.