കാസർകോട് ജില്ലയിൽ ഇന്ന് (27-11-2024); അറിയാൻ, ഓർക്കാൻ

സൗജന്യ മെഡിക്കൽ ക്യാംപ് : ചെമ്മനാട്∙ ജമാഅത്ത് ഹയർസെക്കൻഡറി സ്കൂൾ പൂർവ വിദ്യാർഥി സംഘടന മംഗളൂരു ഫാദർ മുള്ളേഴ്സ് മെഡിക്കൽ കോളജ് ആശുപത്രിയുടെ സഹകരണത്തോടെ സൗജന്യ മെഡിക്കൽ ക്യാംപ് നടത്തി. ചെമ്മനാട് പഞ്ചായത്ത് പ്രസിഡന്റ് സുഫൈജ അബൂബക്കർ ഉദ്ഘാടനം ചെയ്തു. ഒഎസ്എ പ്രസിഡന്റ് മുജിബ് അഹമ്മദ് അധ്യക്ഷത വഹിച്ചു. ജമാഅത്ത് ഹയർ സെക്കൻഡറി സ്കൂൾ മാനേജർ സി.ടി അഹമ്മദലി, കാസർകോട് ബ്ലോക്ക് പഞ്ചായത്ത് അംഗം എൻ.എ. ബദറുൽ മുനീർ, ചെമ്മനാട് പഞ്ചായത്ത് വൈസ് പ്രസിഡന്റ് മൻസൂർ കുരിക്കൾ, പഞ്ചായത്ത് അംഗം അമീർ പാലോത്ത്, ജമാഅത്ത് കമ്മിറ്റി ട്രഷറർ സി.എം.മുസ്തഫ, ഫാദർ മുള്ളേഴ്സ് ഹോസ്പിറ്റൽ ജനറൽ സർജൻ ഡോ.വിഷ്ണു, സ്കൂൾ പ്രധാനാധ്യാപകൻ കെ.വിജയൻ, പ്രിൻസിപ്പൽ ഡോ.എം. സുകുമാരൻ നായർ, മുഹമ്മദ് അലി മുണ്ടാങ്കുലം , ഹാഫിസ് അബ്ദുല്ല, ക്യാംപ് കൺവീനർമാരായ സി.എച്ച്.സാജു, പി.എം. അബ്ദുല്ല, സജ്ജാദ് ചൂരി, പിടിഎ. പ്രസിഡന്റ് കെ.ടി.നിയാസ്, മഞ്ചുനാഥ്, കാരോലിന എന്നിവർ പ്രസംഗിച്ചു.