ബാറിലെ തർക്കം: യുവാവിനെ ആക്രമിച്ചയാൾ പിടിയിൽ
Mail This Article
×
കൊല്ലം ∙ ബാറിലെ തർക്കത്തെ തുടർന്നു യുവാവിനെ ആക്രമിച്ച പ്രതി പിടിയിൽ. കുരീപ്പുഴ അക്ഷര നഗർ–90 വെളിയിൽ പറമ്പിൽ റമീസാണു (31) കൊല്ലം വെസ്റ്റ് പൊലീസിന്റെ പിടിയിലായത്. കഴിഞ്ഞ ശനി രാത്രി 11നു പ്രതി കൂട്ടുകാരനായ അനസുമായി ബാറിൽ പോയതിനെ എതിർത്ത ഇരട്ടക്കട സ്വദേശി അൻസറിനെ അസഭ്യം പറയുകയും ആക്രമിക്കുകയുമായിരുന്നു.
റമീസ് കയ്യിൽ കരുതിയിരുന്ന മൂർച്ചയുള്ള ആയുധം ഉപയോഗിച്ചു കുത്തിയതിൽ മുതുകിലും ഇടതു തോളിലും തുടയിലും അൻസറിനു പരുക്കേറ്റു. റമീസ് മുൻപും വധശ്രമ കേസിലും ലഹരിക്കേസുകളിലും പ്രതിയായിട്ടുണ്ട്. വെസ്റ്റ് പൊലീസ് എസ്ഐ അനീഷിന്റെ നേതൃത്വത്തിൽ എഎസ്ഐമാരായ ഷാജഹാൻ, ജലജ, എസ്‌സിപിഒ അൻസർ, സിപിഒ അഭിലാഷ് എന്നിവരടങ്ങിയ സംഘമാണു പ്രതിയെ പിടികൂടിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.