വെള്ളിമൂങ്ങകളെ കൂട്ടിൽ അടച്ചിട്ടിരുന്നയാൾ പിടിയിൽ
Mail This Article
×
കടയ്ക്കൽ ∙ വെള്ളിമൂങ്ങകളെ പിടികൂടി കൂട്ടിൽ അടച്ചിട്ടിരുന്ന മുക്കുന്നം നവാസ് മൻസിലിൽ ബൈജു എന്ന നവാസി (49)നെ കടയ്ക്കൽ പൊലീസ് പിടികൂടി വനം വകുപ്പിന് കൈമാറി. ഇന്നലെ രാവിലെ പൊലീസ് നടത്തിയ പരിശോധനയിലാണ് രണ്ടു വെള്ളി മൂങ്ങയെ ഇയാളുടെ വീട്ടിൽ നിന്നു കണ്ടെത്തിയത്. വീടിന് സമീപം കാക്കയും മറ്റും ആക്രമിച്ചപ്പോൾ എടുത്തു കൂട്ടിൽ സൂക്ഷിച്ചിതാണെന്നാണു നവാസ് പൊലീസിനോടും വനം വകുപ്പ് ഉദ്യോഗസ്ഥരോടും പറഞ്ഞത്. അന്വേഷണത്തിന് ശേഷം വനംവകുപ്പ് നവാസിനെ പുനലൂർ കോടതിയിൽ ഹാജരാക്കി റിമാൻഡ് ചെയ്തു. നവാസ് നേരത്തെ കടയ്ക്കലും പരിസരത്തും പച്ചക്കറിക്കച്ചവടം നടത്തിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
