മഞ്ഞത്തേരി ചപ്പാത്തിൽ കുത്തൊഴുക്ക്; വിദ്യാർഥികളുമായി വന്ന ബസ് വനപാതയിൽ കുടുങ്ങി - വിഡിയോ

തെന്മല∙ റോസ്‌മലയിൽ നിന്നു രാവിലെ വിദ്യാർഥികളുമായി ആര്യങ്കാവിലേക്കു വരികയായിരുന്ന കെഎസ്ആർടിസി ബസ് മഞ്ഞത്തേരി ചപ്പാത്തിലെ കുത്തൊഴുക്കിനെത്തുടർന്നു വനപാതയിൽ കുടുങ്ങി. 11 വിദ്യാർഥികളാണുണ്ടായിരുന്നത്. 8.15നാണു  വഴിയിൽ കുടുങ്ങിയത്.

യാത്ര മുടങ്ങിയതോടെ പത്താം ക്ലാസ് വിദ്യാർഥികൾക്കുൾപ്പെടെ ക്രിസ്മസ് പരീക്ഷ എഴുതാനായില്ല. ഇവരെ  രക്ഷിതാക്കൾ  തിരികെ വീട്ടിലേക്കു കൂട്ടിക്കൊണ്ടുപോയി. ചപ്പാത്തിലെ വെള്ളം കുറഞ്ഞ ശേഷം വൈകിട്ടു മൂന്നോടെയാണു ബസ് ഇക്കരെ കടന്നത്.  കേരള– തമിഴ്നാട് അതിർത്തികളിൽ പെയ്ത കനത്ത മഴയിലാണു ചപ്പാത്ത് നിറഞ്ഞു കവിഞ്ഞത്.