യുവാവിനെ ആക്രമിച്ച് പരുക്കേൽപിച്ച കേസ്: ഒരാൾ അറസ്റ്റിൽ

കരുനാഗപ്പള്ളി ∙ യുവാവിനെ ആക്രമിച്ച് പരുക്കേൽപിച്ച കേസിൽ ഒളിവിലായിരുന്ന തഴവ മണപ്പള്ളി തിരുവോണത്തിൽ ഡി.അഖിൽദേവിനെ (29) അറസ്റ്റ് ചെയ്തു. കഴിഞ്ഞ 4 ന് രാത്രി 10 മണിയോടെ അഴകീയകാവിനു സമീപം നിൽക്കുകയായിരുന്ന യുവാവിനെ അഖിൽ അടക്കമുള്ള പ്രതികൾ വാഹനത്തിലെത്തി അസഭ്യം പറയുകയും ആക്രമിക്കുകയുമായിരുന്നുവെന്നു പൊലീസ് പറഞ്ഞു.

ആക്രമണത്തിൽ യുവാവിന്റെ മുഖത്ത് പരുക്കേൽക്കുകയും പല്ല് ഇളകുകയും ചെയ്തു. മറ്റ് പ്രതികളും ഉടൻ പിടിയിലാകുമെന്നു പൊലീസ് പറഞ്ഞു. ഇൻസ്പെക്ടർ വി.ബിജുവിന്റെ നേതൃത്വത്തിൽ എസ്ഐമാരായ ഷമീർ, കണ്ണൻ, ഷാജിമോൻ, എസ്‌സിപിഒ മാരായ ഹാഷിം, രാജീവ്കുമാർ, ബീന എന്നിവർ ചേർന്നാണ് പിടികൂടിയത്.