വീടുകൾ കേന്ദ്രീകരിച്ച് ഇന്ന് ശ്രീകൃഷ്ണജയന്തി ആഘോഷം

ചങ്ങനാശേരി ∙ താലൂക്കിൽ വിവിധ ബാലഗോകുലങ്ങളുടെ നേതൃത്വത്തിൽ 'വീടൊരുക്കാം, വീണ്ടെടുക്കാം, വിശ്വശാന്തിയേകാം' എന്ന മുദ്രാവാക്യം മുഴക്കി വീടുകൾ കേന്ദ്രീകരിച്ച് ഇന്ന് ശ്രീകൃഷ്ണജയന്തി ആഘോഷം നടത്തും. രാവിലെ 7ന് കൃഷ്ണകുടീരത്തിനു മുന്നിൽ കൃഷ്ണപ്പൂക്കളം, 12ന് വീടുകളിൽ കണ്ണനൂട്ട്, വൈകിട്ട് 4.30ന് വേഷാധാരണം, 5.30ന് പിറന്നാളാഘോഷം, ദീപം തെളിക്കൽ, മാലചാർത്തൽ, പ്രാർഥന, 5.30 മുതൽ 6.30 വരെ ഭജന സങ്കീർത്തനം, ജന്മാഷ്ടമി ദീപക്കാഴ്ച, 7.30ന് മംഗളാരതി, ശാന്തിമന്ത്രം, തുടർന്ന് അവൽ പ്രസാദ വിതരണം.