വീടിന്റെ മേൽക്കൂര ഇടിഞ്ഞു വീണു

കറുകച്ചാൽ ∙ മഴയിൽ വീടിന്റെ മേൽക്കൂര ഇടിഞ്ഞു വീണു. പഞ്ചായത്ത് 13-ാം വാർഡിൽ ശാന്തിപുരം കാവുങ്കൽ പാപ്പച്ചിയുടെ വീടിന്റെ മേൽക്കൂരയാണ് ശനിയാഴ്ചത്തെ മഴയിൽ തകർന്നു വീണത്. ശബ്ദം കേട്ട് പാപ്പച്ചിയും മകൻ സിജോയും പുറത്തേക്ക് ഓടിയതിനാൽ പരുക്കേൽക്കാതെ രക്ഷപ്പെട്ടു. 2 മുറിയും അടുക്കളയും തകർന്നു. വീടിന്റെ ഭിത്തികളും ഏതു നിമിഷവും തകർന്നു വീഴാവുന്ന നിലയിലാണ്. 2 ലക്ഷം രൂപയുടെ നഷ്ടം കണക്കാക്കുന്നു. പഞ്ചായത്ത് അംഗം സജി നീലത്തുംമുക്കിൽ സ്ഥലത്തെത്തിയിരുന്നു.