സ്കൂളിൽ നിന്നു വിരമിച്ചിട്ടു 4 പതിറ്റാണ്ട്, വർക്കിക്കു പോകാൻ കൃഷിയിടമുണ്ട്...

കുറവിലങ്ങാട് ∙ കോവിഡ് മൂലം പ്രായമുള്ളവർ പുറത്തിറങ്ങരുതെന്നു പറഞ്ഞാൽ കെ.വി.വർക്കിക്കു പ്രശ്നമില്ല. വർക്കിക്കു പോകാൻ കൃഷിയിടമുണ്ട്. കോഴാ കിണറ്റിങ്കൽ കെ.വി.വർക്കിക്ക് 95 കഴിഞ്ഞു. സെന്റ് മേരീസ് ബോയ്സ് ഹൈസ്കൂളിൽ നിന്നു വിരമിച്ചിട്ടു 4 പതിറ്റാണ്ടായി. പച്ചക്കറിക്കൃഷിയിൽ സഹായിച്ചും പണികൾക്കു മേൽനോട്ടം വഹിച്ചും വർക്കി സജീവമാണ്. വീടിനോടു ചേർന്നുള്ള പുരയിടത്തിൽ പച്ചക്കറികളും കപ്പയുമൊക്കെ കൃഷി ചെയ്തു. വായനയ്ക്കു മുടക്കമില്ല. പത്രവായന നിർബന്ധം.