അച്ഛനും മകനും ഒഴുക്കിൽപെട്ടു; മകൻ മാത്രം ജീവിത തീരത്ത്...

കാഞ്ഞിരപ്പള്ളി ∙ നീണ്ടു നിന്ന ആ കാപ്പിക്കമ്പ് ജെബിനെ ജീവിതത്തിലേക്ക് പിടിച്ചുകയറ്റി. എന്നാൽ, ജെബിന് അച്ഛൻ ഷാജിയെ നഷ്ടപ്പെട്ടു. കൂട്ടിക്കൽ സെന്റ് ജോർജസ് സ്കൂളിലെ ഏഴാം ക്ലാസ് വിദ്യാർഥിയാണ് ജെബിൻ. 

ശനിയാഴ്ച ഉച്ചയോടെ വീടിനു പിന്നിൽ നിന്ന് വലിയ ശബ്ദം കേട്ടാണ് കൊക്കയാർ മാക്കോച്ചിയിൽ ചിറയിൽ ഷാജിയും മകൻ ജെബിനും പുറത്തിറങ്ങി നോക്കിയത്. മണ്ണും കല്ലും നിറഞ്ഞ മലവെള്ളം പാഞ്ഞെത്തി. രണ്ടാളും ഒഴുക്കിൽപെട്ടു പുല്ലകയാറിലേക്ക് ഒഴുകി. മകൻ മാത്രം രക്ഷപ്പെട്ടു. ജെബിന്റെ അമ്മ ആനിയും സഹോദരങ്ങളായ ജെറിനും ജസ്റ്റിനും ആ സമയം വീട്ടിൽ ഉണ്ടായിരുന്നില്ല.