ഡൽഹിയിലെ റിപ്പബ്ലിക്ദിന പരേഡ്: നാവികസേനാ സംഘത്തിന്റെ പ്ലാറ്റൂൺ കമാൻഡറായി ദേവിക
Mail This Article
×
കോട്ടയം ∙ ഡൽഹിയിലെ റിപ്പബ്ലിക് ദിന പരേഡിൽ നാവികസേനാ സംഘത്തിന്റെ പ്ലാറ്റൂൺ കമാൻഡറായി ലഫ്റ്റനന്റ് എച്ച്. ദേവിക(23). പത്തനംതിട്ട അടൂർ ഹരിശ്രീ മഠത്തിൽ (കരിക്കോട്ടില്ലം) ദേവിക തിരുവനന്തപുരം ഗവ. എൻജിനീയറിങ് കോളജിൽനിന്ന് ബിടെക് (ഓണേഴ്സ്) നേടിയ ശേഷമാണു 21–ാം വയസ്സിൽ നാവികസേനയിൽ ചേർന്നത്. എൻസിസി എയർവിങ് സി സർട്ടിഫിക്കറ്റ് നേടിയ ദേവിക, അത്‌ലറ്റിക്സിലും വോളിബോളിലും മെഡലുകൾ സ്വന്തമാക്കിയിട്ടുണ്ട്.
വ്യോമസേനയിൽ പൈലറ്റ് ആകുകയായിരുന്നു ഇഷ്ടം. ആദ്യം നാവികസേനയിൽ ജോലി ലഭിച്ചതിനാൽ അതിൽ പ്രവേശിച്ചു. നാവികസേനയിൽ പൈലറ്റ് ആകുകയാണ് ഇനി ലക്ഷ്യം. എയർഫോഴ്സ് മുൻ വാറന്റ് ഓഫിസറും കോട്ടയം ജില്ലാ കോടതിയിലെ മാനേജറുമായ കെ.ഹരികുമാർ നമ്പൂതിരിയുടെയും കവിതാദേവിയുടെയും മകളാണ്. ബിടെക് വിദ്യാർഥിയായ ശ്രീശങ്കർ സഹോദരനാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
