വീട്ടമ്മയെ വീടുകയറി ആക്രമിച്ച കേസിൽ മൂന്നു പേർ അറസ്റ്റിൽ

പൊൻകുന്നം ∙ മധ്യവയസ്കയെ വീടുകയറി ആക്രമിച്ച കേസിൽ മൂന്നു പേർ അറസ്റ്റിൽ. ചിറക്കടവ് പുതിയാത്ത് വീട്ടിൽ പി.ആർ.അനീഷ് (38), കുഴിപ്പള്ളാത്ത് വീട്ടിൽ ബിനു ചന്ദ്രൻ (33), കൂവപ്പള്ളി വിഴിക്കത്തോട് ഭാഗത്ത് കളവട്ടത്തിൽ വീട്ടിൽ കെ.പി.അനിൽകുമാർ (39) എന്നിവരാണ് അറസ്റ്റിലായത്. പൊൻകുന്നത്ത് മധ്യവയസ്കയുടെ വീട്ടിൽ കയറി അസഭ്യം പറയുകയും ഉപദ്രവിക്കുകയും ചെയ്തു എന്നാണ് കേസ്. വീടിനുള്ളിലെ ഉപകരണങ്ങളും അടിച്ചു തകർത്തു. എസ്.എച്ച്.ഒ ടി.എസ്. ദിലീഷ്, മാഹിൻ സലിം, എം.ജെ.സുനിൽകുമാർ, ഷാജി ചാക്കോ, എൻ.ജി.പ്രിയ എന്നിവർ ചേർന്നാണ് പ്രതികളെ അറസ്റ്റ് ചെയ്തത്.