കാർഷിക സർവകലാശാലയുമായി ധാരണാപത്രം ഒപ്പുവച്ച് ഐഐഐടി കോട്ടയം

കോട്ടയം ∙ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി കോട്ടയവും (ഐഐഐടികെ) കേരള കാർഷിക സർവകലാശാലയും (കെഎയു) നൂതന സാങ്കേതിക വിദ്യയുടെ സംയോജനത്തിലൂടെ ഇന്ത്യൻ കൃഷി രീതിയിൽ തന്ത്രപ്രധാനമായ ‌മാറ്റങ്ങൾ കൊണ്ടുവരാൻ സാങ്കേതിക പങ്കാളിത്തം പ്രഖ്യാപിച്ചു. ഐഐഐടി കോട്ടയം റജിസ്ട്രാർ ഡോ. എം.രാധാകൃഷ്ണനും കെഎയു റജിസ്ട്രാർ ഡോ. സക്കീർ ഹുസൈനും ചേർന്നാണ് കരാറിൽ ഒപ്പുവച്ചത്.

കാർഷിക മേഖലയെ പരിവർത്തനം ചെയ്യുന്നതിനുള്ള സാങ്കേതികവിദ്യയുടെ സാധ്യതകൾ പര്യവേക്ഷണം ചെയ്യുന്നതിനാണ് കാർഷിക സർവകലാശാലയുമായി സഹകരിക്കുന്നതെന്ന് ഐഐഐടി കോട്ടയം ഡയറക്ടർ ഡോ. രാജീവ് വി. ധരസ്കർ പറഞ്ഞു. കർഷകരുടെ ഉപജീവനമാർഗം മെച്ചപ്പെടുത്താൻ കാർഷിക സർവകലാശാല പ്രതിജ്ഞാബദ്ധമാണെന്ന് കെഎയു ഡയറക്ടർ ഇൻ എഡ്യൂക്കേഷൻ ഡോ. ഗോപകുമാറും വ്യക്തമാക്കി.