ടൂറിസ്റ്റ് ബസും കാറും കൂട്ടിയിടിച്ച് അപകടം; മുത്തച്ഛനും കൊച്ചുമകള്‍ക്കും ദാരുണാന്ത്യം

കുറവിലങ്ങാട്∙ എംസി റോഡിൽ പുതുവേലി ചോരക്കുഴി പാലത്തിന് സമീപം ടൂറിസ്റ്റ് ബസും കാറും കൂട്ടിയിടിച്ച് കാർ യാത്രികരായ മുത്തച്ഛനും കൊച്ചുമകളും മരിച്ചു. ആലപ്പുഴ കായിപ്പുറം സ്വദേശി തങ്കച്ചൻ (70), കൊച്ചുമകൾ എസ്തേർ (രണ്ടര) എന്നിവരാണ് മരിച്ചത്. തങ്കച്ചന്റെ ഭാര്യ തങ്കമ്മ (60), മകൻ എബി ജോസഫ് (39), ഭാര്യ ട്രീസ (26) എന്നിവർക്ക് പരുക്കേറ്റു. പരുക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു. തങ്കമ്മയുടെയും ട്രീസയുടെയും പരുക്ക് ഗുരുതരമാണ്. ഞായറാഴ്ച വൈകിട്ട് 5.30 നായിരുന്നു അപകടം. കൂത്താട്ടുകുളം ഭാഗത്തുനിന്ന് കോട്ടയം ഭാഗത്തേക്കു പോകുകയായിരുന്ന കാർ എതിരെ വന്ന ടൂറിസ്റ്റ് ബസിൽ ഇടിച്ചുകയറുകയായിരുന്നു.