'ന്നാ താൻ കേസ് കൊട്'; കുഴിയിൽ വീണ് പരുക്കേറ്റ യാത്രക്കാരന്റെ ആശുപത്രിച്ചെലവ് 1.40 ലക്ഷം
Mail This Article
×
കോട്ടയം ∙ പൈപ്‌ലൈനിനു വേണ്ടി ജല അതോറിറ്റി കുഴിച്ച കുഴി വേണ്ട വിധം മൂടിയില്ല. കുഴിയിൽ വീണ ബൈക്ക് യാത്രക്കാരന്റെ മൂക്കിന്റെ അസ്ഥിക്കും വലതു കൈക്കും പൊട്ടൽ. ആശുപത്രിച്ചെലവ് ഇതുവരെ 1.40 ലക്ഷം രൂപ. മണർകാട് തെക്കേടത്ത് ടി.സി.തോമസ് കഴിഞ്ഞ ശനിയാഴ്ച രാത്രി 10നു വടവാതൂരിനു സമീപമാണ് അപകടത്തിൽപെട്ടത്. സ്കൂളിലെ വാർഷികാഘോഷ പരിപാടിക്കുശേഷം മകനെ വിളിക്കാൻ ബൈക്കിൽ പോവുകയായിരുന്നു തോമസ്.
എതിരെ വന്ന ബസിനും മറ്റൊരു വാഹനത്തിനും സൈഡ് കൊടുക്കാനായി ബൈക്ക് ഒതുക്കിയപ്പോൾ റോഡരികിലെ കുഴിയിലേക്കു വീഴുകയായിരുന്നു. ഗൾഫിൽ നിന്നു നാട്ടിലെത്തി ഇലക്ട്രിഷ്യനായി ജോലി ചെയ്തിരുന്ന തോമസിനു ജോലിക്കു പോകാനും പറ്റാത്ത സ്ഥിതിയായി. ഇന്നലെ വൈകിട്ട് ദേശീയപാത അതോറിറ്റി ഈ സ്ഥലത്തെ കുഴി മൂടി.
English Summary:
A bike accident in Kottayam has left a man with severe injuries after he fell into an uncovered pit dug by the Water Authority. The incident has sparked outrage among locals who are demanding accountability for the lack of safety measures.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.